خرم سلطان ینگ پُرتره‌سی ۱۲۶ مۆنگ پوند باهاسینا ساتیلدی

انگلستان داقی ساتبی مزایده مرکزی، عثمانلی دؤولتی نینگ پاتشاسی قانونی سلطان سلیمان ینگ عایالی خرم سلطان ینگ پرتره سینی 126 مۆنگ استرلینگ باهاسینا ساتدی.

لندن ده گچیرلن "اسلام دۆنیأسی و هیندیستان صونغاتلاری" آدلی مزایده ده 1000 ییللیق تاریحی اثرلر و تابلولار و ال یازمالار ساتیلدی.

بو مزایده ده 2 الماس و زمردلی بابرلردن قالان گؤزلۆک، آلتینا چاییلان قرآن کریم، 1000 ییللیق شای سِپلر، ایران دان مینیاتورلار و پولونز هالی دا ساتلیق دییپ بیلدیریلدی.

بو مزایده ده، ونیزلی صونغاتچی تیتیان ینگ بیر شأگیردی تاراپیندان 16-نجی عاصرینگ آحیریندا یا دا 17-نجی عاصرینگ باشیندا چکیلن پرتره ده ساتیلدی.

خرم سلطان ینگ صوراتی نینگ پرتره سی بو مزایده ده 126 مۆنگ استرلینگ باهاسینا ساتیلدی.

قانونی سلطان سلیمان ینگ قیزی مهرماه سلطان ینگ ایکی پرتره سیندن بیری 13 مۆنگ 860 استرلینگ، بیله کیسی 17 مۆنگ 600 استرلینگ باهاسینا ساتیلدی.

قانونی سلطان سلیمان ینگ پرتره سی ده 11 مۆنگ 340 استرلینگ باهاسینا ساتیلدی.