داشاری یورتلی اوُقووچیلارینگ اوُقووینی قوتارما داباراسی گچیریلدی
تۆرکیه ده 15 مۆنگه قوُلای اوُقووچی بورس بیلن بیلیم یورتلاریندا اوُقایار
شو ییل تۆرکیه ده ساپاق آلیان 3 مۆنگ اوُقووچی بیلیم یورتلارینداقی ساپاقلارینی قوتاردی.
"10-نجی حالقارا اوُقووچیلارینگ اوُقووی نینگ قوتارماغی و 2020 تۆرکیه ده ساپاقلارینی قوتارانلارا بایراق قوُوشوریلیش داباراسی" داشاری یورتلی تۆرکلر و قارینداش جمغیتلر (YTB) قوراماسی تاراپیندان آنکارادا گچیریلدی.
دابارا تۆرکیأنینگ مدنیت و سیاحاتچیلیق وزیری محمت نوری أرسوُی، وزیرینگ اوُرونباساری سردار چام، YTB نینگ باشلیغی عبدالله ارن، داشاری یورتلارینگ ایلچیلری و 71 یورتدان 200 اوُقووچی قاتناشدی.
دابارادا YTB نینگ باشلیغی عبدالله ارن،
"شو ییل 2 مۆنگ 300-دن کؤپ اوُقووچیمیز بیلیم یورتلارینی قوتاردی. 200 اوُقووچیمیز شو یرده" دیدی.
ارن دۆنیأنینگ 150 یوردوندان تۆرکیه ده اوُقووینی قوتاران طالیپ باردیغینی آیدان ارن، 70-دن کؤپ یورتدان دا طالیپلار و ماشغالالارینگ بو دابارا آنلاین قاتناشیاندیغینی آیتدی.
دابارادا اۆستۆنلیک گؤرکِزن اوُقووچیلارا بایراقلاری بریلدی.
تۆرکیه بورسلاری فیلمی گؤرکِزیلدی و کلمبیا و اکوادوردان گلن ایکی اوُقووچی نینگ ماشغالاسینا سوُوغات بریلدی.
مدنیت و سیاحاتچیلیق وزیری نوری أرسوُی اۆستۆنلیکلی اوُقووچیلارینگ سوُوغاتلارینی بردی.
2021-نجی ییلدا 178 یورتدان تۆرکیه ده بورسلی اوُقاماق ایسله یأن 165 مۆنگ 500 اوُقووچی یۆز توتدی.
شو واغت تۆرکیه ده 15 مۆنگه قوُلای اوُقووچی بورس بیلن بیلیم یورتلاریندا اوُقایار.