ترابزون دا 13 مۆنگ ییللیق تاریحی اثرلر تاپیلدی

ترابزون ولایاتی نینگ دۆزکؤی شهرینده بیر قوُواقدا میلاددان 11 مۆنگ ییل اوُزالا دگیشلی تاریحی داشلار تاپیلدی.

قارادنگیز تکنیک بیلیم یوردونینگ آرکئولوژی بؤلۆمی نینگ موغاللیمی دکتر هولیا چالیشقان آق گۆل و دکتر سرکان دمیرال 2018-نجی ییلدا "ترابزون پروتوتاریح چالا بارلاغ پروژه سینه" باشلادیپدی.

2019-نجی ییلدا دۆزکؤی دأکی قوُواقدا قازوو آغتاریش ایشلری باشلادیلدی.

آرکئولوگلار دۆزکؤی دأکی قوُواقدا کسمه ک و سوُیماق اۆچین اولانیلان داشلاری تاپدی.

داشلارینگ 13 مۆنگ ییل موندان اوُزالقی انسانلار تاراپیندان اولانیلیاندیغی بیلدیریلدی.

شیله لیک بیلن شو واغتا چنلی ترابزون دا یاشایان آداملارینگ اینگ قادیمی اثرلری تاپیلدی.

چاقماق و اوبسیدین داشیندان یاسالان آبزاللاردان 103 سانیسی بارلاغ اۆچین ییغنالدی و 7 سانیسی آنالیز اۆچین کاناداداقی مک مستر بیلین یوردوندان پروفسور دکتر تریستان کارتره ایبریلدی.

ایلکینجی کِسگیتلره گؤرأ داشلارینگ 5 سانیسی نینگ کاپادوکیادان 2 سانیسی نینگ ترانس قفقازدان (شو واغتقی گۆرجیستان- ارمنیستان دان) گلندیگی آنیقلاندی.