دۆنیأنینگ اینگ باهالی کِبدِریسی

بو کبدریلر پست کبدریسی دییپ بیلینیأر و اوزاق یوُللاردا یاریشا قاتناشدیریلیار

1528828
دۆنیأنینگ اینگ باهالی کِبدِریسی

 

بلژیک ده بیر مزایده ده بیر کِبدِری (گؤگِرجین) 1.6 میلیون یورو قیممات باهاسینا ساتیلدی.

بلژیک ینگ پیپا گؤگِرجین مرکزی، اینترنت آرقالی مزایده گچیردی.

مزایده ده نیو کیم آدینداقی 2 یاشیندا بیر کبدری 1.6 میلیون یورو باهاسینا ساتیلدی و دۆنیأده رکورد قوُیدی.

بو کبدری نینگ ایه سی هوک ون ده ووور 445 کبدرینی ساتوو اۆچین مزایده ده قوُیاندیقلارینی و نیو کیم آدینداقی کبدری اۆچین حیتای دان بیر مۆشدری نینگ 1.6 میلیون یورو برندیگینی آیتدی.

ده ووور حیتایلی مۆشدریلر تاراپیندان "انه نیو کیم" اۆچین ده 400 مۆنگ یورو، پالم کیم اۆچین 204 مۆنگ یورو، کیمی اۆچین 180 مۆنگ یورو بریلندیگینی آیتدی.

بو مزایده ده 157 کبدری 4 میلیون 779 مۆنگ 850 یورو باهاسینا ساتیلدی.

بلژیک ده 2019-نجی ییلدا آرامندو آدیندا بیر ارکک فلامان کبدریسی 1 میلیون 252 مۆنگ یورو باهاسینا حیتایلی بیری تاراپیندان ساتین آلینیپدی.

بو کبدریلر پست کبدریسی دییپ بیلینیأر و اوزاق یوُللاردا یاریشا قاتناشدیریلیار.


اتیکتلر: #کبدری

دِگیشلی حابارلار