تۆرکیه توریسم پوداغی بیلن باغلانشیقلی دوشوشیق گچیریأر

تۆرکیأنینگ داشاری ایشلر وزیری مولود چاووش اوغلی تۆرکیأنینگ داشاری سیاساتیندا (تۆرکیه جمهوریتی نینگ اساسلاندیریجیسی) آتاتۆرک ینگ "یورتدا پاراحاتچیلیق، دۆنیأده پاراحاتچیلیق" سؤزۆنی دوُوام اتدیریأندیکلرینی آیتدی.

چاووش اوغلی آنتالیاداقی بیر تلویزیون کانالینا بیانات بردی.

کروناویروس بیلن گؤره شیأن تۆرکیأنینگ سیاحاتچیلیق پوداغینا یانگاداندان باشلاتماق اۆچین ایش آلیپ باریاندیغینی آیدان تۆرک وزیر،

"آلمانیا، فرانسیا و انگلستان بیلن سیاحاتچیلیق مسئله سی بیلن باغلانشیقلی دؤرت تاراپلایین ماصلاحات گچیردیک. روسیانینگ داشاری ایشلر وزیری سرگی لاوروف بیلن ایکی گِزه ک دوشوشیق گچیردیک" دیدی.

توریستلارینگ تۆرکیأ گلمه ک ایسله یأندیکلرینی آیدان چاووش اوغلی،

"بیز آلمان و روس دوستلاریمیزینگ دا، اوروپاداقیلارینگ دا تۆرکیأ گلمه ک ایسله یأندیگینی بیلیأریس. کروناویروس مسئله سی باراسیندا دا تۆرکیأنی بیله کی یورتلار بیلن دِنگِشدیره‌نلرینده بیزینگ یوردومیز اۆستۆن گؤرۆنیأر. شونونگ اۆچین تۆرکیأ گلمه ک ایسله یأرلر" دیدی.

چاووش اوغلی تۆرکیأنینگ توریسم پوداغی اۆچین بۆتین چأره لری گؤریأندیگینه اۆنس چکدی.