پأکیستان سیاحاتچیلیقدا تۆرکیأنینگ تجریبه‌لریندن پیدالانار
پأکیستانلی وزیر کاپادوکیادا ساپاردا بۇلدی
پأکیستان ینگ قۇرانماق و اؤنۆم وزیری زبیده جلال خان، سیاحاتچیلیق پوداغینی اؤسدۆرمه‌ک ایسله‌یأن یوردونینگ تۆرک بیلیم یورتلاری نینگ تجریبه لریندن پیدالانماق ایسله‌یأندیگینی آیتدی.
ایستامبول داقی IDEF’۱۹ آدلی ۱۴-نجی حالقارا قۇرانماق صناغاتی فوآرینا قاتناشماق و دوشوشیقلار گچیرمه ک اۆچین تۆرکیأ گلن پأکیستان ینگ قۇرانماق و اؤنۆمچیلیک وزیری جلال خان و آدامسی کاپادوکیانینگ سیاحاتچیلیق مرکزلرینه باریپ گؤردی.
پأکیستانلی وزیر نوشهیر دأکی حاجی بکتاش ولی بیلیم یوردوندا بیلیم یوردونینگ باشلیغی پروفسور دکتر مظهر باغلی و اۇنونگ اۇرونباساری پروفسور دکتر فاطما کاریپجین بیلن دوشوشدی.
وزیره یر ایه چیلیگینی ادن باغلی، پأکیستان ینگ دۇست و دۇغانلیق اۆلکه بۇلاندیغینا اۆنس چکیپ، تۆرکیه- پأکیستان آراقاتناشیغینا قۇشانت قۇشماق ایسله یأندیکلرینی آیتدی.
پأکیستان ینگ تۆرکیأ بریأن أهمیتینی یاتلادان پأکیستانلی وزیر زبیده جلال خان دا تۆرک بیلیم یورتلاری نینگ سیاحاتچیلیق پوداغینداقی تجریبه لریندن پیدالانماق ایسله یأندیکلرینی بیلدیردی.
میهمان وزیر دوشوشیقدان سۇنگرا کاپادوکیا قۇنالغاسیندان ایستامبولا اوچدی.
