ایران ینگ میللی کیتاپحاناسیندا تۆرکیه کۆنجِه‌گی اچیلدی

ایران ینگ پایتاغتی تهران داقی ایران ینگ میللی کیتاپحاناسیندا "تۆرکیه کۆنجه‌گی" آچیلدی.

تۆرکیه کۆنجه‌گی نینگ آچیلیش داباراسینا تۆرکیأنینگ تهران داقی ایلچیسی پروفسور دکتر دریا اؤرس و ایران ینگ میللی کیتاپحاناسی نینگ باشلیغی اشرف بروجردی قاتناشدی.

باش ایلچی دریار اؤرس تۆرکیه بیلن ایران ینگ آراسینداقی سیاسی و ایقدیصادی قاتناشیقلارینگ ییغی ییغینا بۇلاندیغینی آیتدی و مدنی تایدان دا قاتناشیقلاری اؤسدۆرمه‌ک اۆچین بو ادیلن ایشینگ أهمیتینه اۆنس چکدی.

ایران ینگ میللی کیتاپحاناسی نینگ ایچینده آچیلان کۆنجه‌گه تۆرکیه جمهوریتی دؤولتی نینگ مدنیت، ادبیات، دین و تاریح پوداقلاریندا ۱۵۰۰ کیتاپ سۇوغات ادندیکلرینی آیدان دریا اؤرس شیله دۇوام اتدی:

"تۆرکیه کۆنجه گی ایکی یوردونگ آراسینداقی تأزه گؤزیتیملره پنجارالار آچیار. پنجارا آچماق و دوشوشیشماق مؤهۆم. تۆرکیه بیلن ایران ینگ حالقلاری آراسیندا بو قیزغینلیق و یاقین سالاملاشماغی شو گۆن بو یرده کیچی بیر کیتاپحانا بیلن عامالا آشیرماق بویسانچ بریأر. بو کۆنجه گه بریأن قۇلداویمیز همیشه لیکدیر".

کیتاپحانا موندان کؤپرأک ده کیتاپ سۇوغات اتجکدیکلرینی آیدان اؤرس،

"بیز بؤلگه ده پاراحاتچیلیق، دورنوقلیلیق و دۇستلوق اۆچین تاغاللا ادیأریس و مونی دا کیتاپحانالاردان باشلاماق ایسله یأریس. کیتاپ هممه زادینگ آچاریدیر" دییپ نیغتادی.

ایران ینگ میللی کیتاپحاناسی نینگ باشلیغی بروجردی بۇلسا تۆرک کۆنجه گی نینگ آچیلماغی بیلن تۆرکیأنینگ میللی کیتاپحاناسی بیلن آراقاتناشیغی اؤسدۆرمه‌گی آرزوو ادیأندیکلرینی بیلدیردی.