۸ آیدا ایستامبولا ۷ میلیون سیاحاتچی گلدی

تاریحی و مدنی بایلیغی بیلن دۆنیأنینگ گؤره لده شأهِرلریندن بیری بۇلان ایستامبول، سۇنگقی ۸ آیدا ۷ میلیون سیاحاتچا یر ایه چیلیگینی اتدی.

مدنیت و سیاحاتچیلیق وزیرلیگی تاراپیندان بریلن ماغلوماتا گؤرأ، آگوست آییندا ایستامبولا گلن سیاحاتچیلارینگ سانی اؤتن ییلینگ شۇل بیر آیینا گؤرأ ۳۷ گؤتریم یۇقارلاپ ۱ میلیون ۲۴۷ مۆنگ ۳۸۴ سیاحاتچی سانینا یتدی.

۲۰۱۷-نجی ییلینگ ۸ آییندا ایستامبولا گلن سیاحاتچیلارینگ سانی ۱۰.۸ گؤتریم یۇقارلادی.

ایستامبولا یانوار- آگوست آیلاری آرالیغیندا ۶ میلیون ۹۵۲ مۆنگ ۸۶ سیاحاتچی گلدی.

بو سیاحاتچیلارینگ ۶۵۶ مۆنگ ۴۲۸-ی آلمان، ۵۲۶ مۆنگ ۸۴-ی ایران، ۴۱۳ مۆنگ ۲۷۳-ی سعودی عربیستان دان.

ایستامبولا گلیأن عاراپ سیاحاتچیلارینگ سانی دا بارها یۇقارلایار.

اؤتن ییل یانوار آگوست آرالیغیندا ۱ میلیون ۳۰۳ مۆنگ ۶۳۱ سیاحاتچی عاراپ یورتلاریندان ایستامبولا گلیپدی.

بو سان ۳۶.۷ گؤتریم یۇقارلاپ ۱ میلیون ۷۸۲ مۆنگ ۵۳۶ سیاحاتچا بارابار بۇلدی.