تۆرکیه گؤک بایداقدا دۆنیأ بوُیونچا اۆچۆنجی یرده

تۆرکیأنینگ گؤک بایداقلی دنگیزیاقا پلاژلاری‌نینگ سانی ۳۹۷ پلاژ

72595
تۆرکیه گؤک بایداقدا دۆنیأ بوُیونچا اۆچۆنجی یرده

تۆرکیأنینگ ۲۰۱۴-نجی ییلدا ۳۹۷ سانی گؤک بایداقلی دنگیزیاقا پلاژی بیلن ۷۰ یوردونگ آراسیندا اۆچۆنجی یرده دوریاندیغی حابار بریلدی.
دنگیز سؤودا بیله‌له‌شیگی‌نینگ ایزمیردأکی بؤلۆمی تاراپیندان بریلن بیاناتا لاییقلیقدا اسپانیا ۵۷۳ پلاژی بیلن بیرینجی یری، یونان (گرِسیا) بوُلسا ۴۰۷ پلاژی بیلن ایکینجی یرده دوریار.
تۆرکیه گؤک بایداقلی گأمی پوُرتلارا (بندرلره) ایه یورتلارینگ ساناویندا دا ۲۲ سانی گؤک بایداقلی پوُرتی بیلن ۷۰ یوردونگ آراسیندا ۷-نجی یری ایه‌له‌مه‌گینگ عهده‌سیندن گلدی.
گأمی پوُرتلاری بوُیونچا ۱۰۸ پوُرتی (بندری) بیلن اسپانیا بیرینجی یرده، ۱۰۳ پوُرت بیلن آلمانیا (گِرمانیا) ایکینجی یرده، ۱۰۱ پوُرتی بیلن هلند (گوُللاندیا) اۆچۆنجی یرده دوریار.
گؤک بایداق شوُل بیر واغتدا آراسسا دِنگیز، حوُوپسوز (امن) داشقی قورشاو مانیسینی آنگلادیاندیغی اۆچین یرلی و داشاری یورتلی سیاحاتچیلار تاراپیندان کؤپ ایسله‌گ بیلدیریأر.
گؤک بایداق بایراغی پلاژلارا، گأمی پوُرتلارینا و اسکله‌لره بیر ییللیق مؤهلِت بیلن بریلیأر و هر ییل دِرنگِولر قایتادان گچیریلیأر.


اتیکتلر:

دِگیشلی حابارلار