مجلیسینگ بویسانچ بایراغی قۇوشوریلیار

پروفسور دکتر کۇچان بیلن دمیرأر تۆرکیأنینگ مجلیسی‌نینگ بویسانچ بایراغی‌ینگ ایه‌سی

99336
مجلیسینگ بویسانچ بایراغی قۇوشوریلیار

تۆرکیأنینگ بیک میللت مجلیسی‌نینگ بویسانچ بایراغی اۇکان بیلیم‌یوردونینگ گؤزِل صونغاتلار بؤلۆمیندن پروفسور دکتر کۇچان بیلن آنکارا بیلیم‌یوردونینگ طب بؤلۆمیندن پروفسور دکتر دمیرأر-ه بریلدی.
تۆرکیأنینگ بیک میللت مجلیسی‌نینگ باشلیقلیلیغی‌نینگ اۇرونباساری و مدنیت، صونغات و یایلیم بؤلۆمی‌نینگ باشلیغی عایشه‌نور باهچه‌لی‌قاپی بو ییلقی بایراقلارینگ ایه‌لری باراسیندا بیانات بردی.
تۆرکیأنینگ مجلیسی‌نینگ موندان اؤنگ "یۇقاری حیذمات بایراغی" بیلن "بویسانچ بایراغینی" بریأندیگینی یاتلادان باهچه‌لی‌قاپی ۲۰۱۲-نجی ییلدا قانونینگ اۆیتگِدیلمه‌گیندن سۇنگ دینگه بویسانچ بایراغی بریلِندیگینی آیتدی.
عایشه‌نور باهچه‌قاپی بو ییل بو بایراغا تۆرکیه بیلیملر آکادمیسی تاراپیندان دالاشگأر گؤرکِزیلن آنکارا بیلیم‌یوردونینگ هماتولوژی بیلیم پوداغیندان پروفسور دکتر تانر دمیرأر بیلن بای‌بورت ولایات حأکیملیگی و اۇکان بیلیم‌یوردی تاراپیندان دالاشگأر گؤرکِزیلن اۇکان بیلیم‌یوردونینگ صونغات موغاللیمی پروفسور دکتر حسام‌الدین کۇچان‌ینگ لاییق گؤرۆلِندیگینی نیغتادی.
باهچه‌قاپی بویسانچ بایراغی‌نینگ ۲۵ مۆنگ تۆرک لیراسیندان ۵۰ مۆنگ تۆرک لیراسینا چیقاریلاندیغینی بیلدیردی.


اتیکتلر:

دِگیشلی حابارلار