غزه ده اؤلدۆریلن فلسطینلیلرینگ سانی 41 مۆنگ 20 آدامدان گچدی

ایسرائیل ینگ قشونی اؤتن ییلینگ 7-نجی اکتبریندان بأری غزه ده فلسطینلیلری قیرماغا دوُوام ادیأر.

غزه دأکی ساغلیغی قوُراییش وزیرلیگی ایسرائیل ینگ غزه ده ادیأن قیرغینچیلیغی نینگ 340 گۆندن بأری دوُوام ادیأندیگینی بیلدیردی.

ایسرائیل ینگ قشونی سوُنگقی 24 ساغاتدا غزه ده "3 قیرغینچیلیق" اتدی و 32 فلسطینلی-نی اؤلدۆردی، 100 فلسطینلی-نی ده یارالادی.

شیله لیک بیلن 2023-نجی ییلینگ 7-نجی اکتبریندان بأری ایسرائیل ینگ هۆجۆملرینده آرادان چیقان فلسطینلیلرینگ سانی 41 مۆنگ 20 آداما یتدی.

یارالانانلارینگ سانی دا 94 مۆنگ 925 آداما یتدی.

کؤپ سانلی آدامینگ جسدی نینگ ده بمبا بیلن اورلوپ ییقیلان جایلارینگ آشاغیندا قالاندیغی حابار بریلدی.