محمود عباس پوتین بیلن دوشوشار

روسیا فدراسیونی نینگ داشاری ایشلر وزیری نینگ کؤمِکچیسی و روسیانینگ دؤولت یوُلباشچیسی نینگ یاقین گۆن دوُغار و آفریقا مسئله لرینده یؤریته وکیلی میخائیل بوگدانوف فلسطین ینگ میللی دوُلانشیق باشلیغی محمود عباس ینگ "یاقین واغتدا" مسکودا بوُلجاقدیغینی آیتدی.

روس دیپلمات "فلسطین ینگ آزاتلیغی قوراماسی بۆتین فلسطینلیلرینگ قانونی وکیلیدیر. بیز بو قوُوی قاتناشیقلاریمیزی اوزاق ییللاردان بأری اؤسدۆریأریس. بو ساپار قاتناشیق و حیذماتداشلیغیمیزینگ دوُوام اتدیریلمه گی تایدان اؤرأن أهمیتلیدیر" دیدی.

ریانووستی عباس ینگ 12-14 آگوست آرالیغیندا مسکودا بوُلجاقدیغینی و 13-نجی آگوست دا پوتین بیلن دوشوشجاقدیغینی آیتدی.

پوتین بیلن سوُنگقی گِزه ک 2020 ییلیندا بیت لحم ده دوشوشان عباس 2005-ده وظیپأ باشلاندان بأری 20 گِزه ک مسکودا بوُلدی.

محمود عباس و فتح حرکتی 2007-نجی ییلدان بأری دینگه گۆن باتار باندی دوُلاندیریار و غزه حماس تاراپیندان دوُلاندیریلیآر.