ایران ینگ ریاض داقی ایلچیحاناسی آچیلدی

ایران ینگ سعودی عربیستان داقی ایلچیحاناسی 7 ییل آرادان سوُنگرا یانگاداندان آچیلدی.

ایران ینگ دؤولت تلویزیون کانالی نینگ برن حابارینا گؤرأ ایلچیحانانینگ آچیلیش داباراسینا ایران ینگ داشاری ایشلر وزیری نینگ اوُرونباساری علیرضا بیگدلی ده قاتناشدی.

سعودی عربیستان ینگ 2016-نجی ییلینگ 2-نجی یانواریندا شیغا بوُلان نمر النمری اعدام ادندن سوُنگ ایکی اۆلکأنینگ آراقاتناشیغی بوُزولیپدی.

بو واقادان سوُنگرا سعودی نینگ تهران داقی ایلچیحاناسینا و مشهددأکی کنسولچیلیغینا هۆجۆم قورالیپدی.

سعودی عربیستان بوُلسا 3-نجی یانواردا قاتناشیقلارینی دوروزاندیغینی بیلدیریپدی.

ایران بیلن سعودی عربیستان 7 ییل آرادان سوُنگا 10-نجی مارت دا حیتای یینگ تاغاللاسی بیلن یانگاداندان مذاکره اتمأگه باشلادیلار و ایکی آیدا ایلالاشیغا یتدیلر.

ایران علیرضا عنایتی-نی سعودی عربیستان داقی ایلچیسی بِللأپدی.