ایران داقی یر تیتره مه سینده کؤپ سانلی آدام یارالاندی

ایران ینگ خوی شهرینده ینه یر تیتره دی.

گۆن باتار آذربایجان ولایاتی نینگ خوی و سلماس شهرینده یر تیتره مه سی سبأپلی 82 آدام یارالاندی.

یارالانانلارینگ 70-ی نینگ سلماس شهریندن و اوُبالاریندان، 12-سی نینگ ده خوی شهریندن و اوُبالاریندان بوُلاندیغی بیلدیریلدی.

سلماس داقی 60 یارالی نینگ بجرگی آلاندان سوُنگ کِسِلحانالاردان چیقاندیغی و قالان 10 یارالی نینگ یاغدایی نینگ دا ینگیل بوُلاندیغی حابار بریلدی.

خوی داقی 12 یارالی نینگ یاغدایی نینگ دا قوُوی بوُلاندیغی و 7-سی نینگ کسلحانادان چیقاندیغی مألیم ادیلدی.

5.6 بال اولولیغینداقی یر تیتره مه سی نینگ مرکزی نینگ یرینگ 8 کیلومتر آشاغیندا بوُلاندیغی حابار بریلدی.

تۆرکیأنینگ سرحدی نینگ قوُلایینداقی خوُی شهرینده 28-نجی یانواردا 5.8 بال اولولیغیندا یر چایقانیپدی.

شوُل یر چایقانماسیندا دا رسمی ماغلوماتلارا گؤرأ 3 آدام اؤلۆپدی، 1167 آدام یارالانیپدی.