آلتی آی اوکراینادا بوقولان روس عسگر توسساغ ادیلدی

اوکراینا، 6 آی بوُیونچا خارکیف شهرینده بوقولان بیر روس عسگرینی توسساغ اتدی.

42 یاشینداقی عسگر، کوپیانسک- ووزلوی بؤلگه سینده اوُبالاری کنترل ادن پلیس تاراپیندان توسساغ ادیلدی.

بو عسگرینگ روسیانینگ 27-نجی اؤزباشداق موتوریزه قوُراغچیلارینا دگیشلی بولاندیغی حابار بریلدی.

یؤنه‌کی آدام یالی صوراتا دۆشِن عسگرینگ نأحیللی 6 آی گیزله‌نِندیگی هنیز بیلینمه‌یأر.

روسیانینگ جمهورباشلیغی ولادیمیر پوتین ینگ امری بیلن اؤتن ییلینگ 24-نجی فورال گۆنۆنده روسیا اوکراینا بیلن ساواشماغا باشلاپدی.

پوتین "اوکراینانینگ ناتو قوراماسینا آغضالیغی نینگ اؤنگۆنه گچمه ک و شوُل یوردی روسیانینگ کنترلیندا ساقلاماق اۆچین اوکراینانینگ حاربی گۆیجۆنی اوُرتادان آییرماق و نازی توُپارلاریندان صاپلاماق ایسله یأندیگینی" آیدیپدی.