کریسترسون: سوئد ترورچیلیغینگ مرکزی یاغدایینا گِلمه‌لی دأل

سوئدینگ باش وزیری اولف کریسترسون یوردونینگ بیر ترور مرکزینه اؤورۆلمه‌لی دألدیگینی آیتدی

1915183
کریسترسون: سوئد ترورچیلیغینگ مرکزی یاغدایینا گِلمه‌لی دأل

 

سوئدینگ باش وزیری اولف کریسترسون یوردونینگ بیر ترور مرکزینه اؤورۆلمه‌لی دألدیگینی آیتدی.

سوئدده تۆرکیأ قارشی بوُلماق بیلن تانالیان اوُزالقی سوسیال دموکرات وکیلی نالین پک گۆل ینگ ناتو ایلالاشیغی اۆچین ترورچیلارینگ تۆرکیأ قایتاریلماغی حاقدا یازان حاطینا جوُغاپ برن کریسترسون،

"سوئد بیر ترور مرکزینه اؤورۆلمه‌لی دألدیر" دیدی.

کریسترسون، یازان حاطیندا شیله دیدی:

"ترورچیلیغا، ترورچیلیغینگ مالی قوُلداوینا یا دا باشغا بیر گۆنأ قاریشمایانلارینگ قوُرقماغینا گره ک یوُقدیر. شونونگ بیلن بیله لیکده سوئدینگ داشینداقی یورتلارا قارشی بوُلسا دا بوُلماسا دا سوئدینگ ترورچیلیق مرکزینه اؤورۆلمه گینه روغصات برمه ریس. بیزینگ یوردومیزدا بوُلشی یالی، تۆرکیأنینگ ده ترورچیلیغا قارشی اؤزۆنی قوُراماغا حاقی باردیغینی همیشه آچ آچان ایتدیم" دیدی.

سوئدینگ تۆرکیه و فنلاند بیلن ناتو بارادا باغلاشان ایلالاشیغا همیشه قوُلداو بریأندیکلرینی نیغتان کریسترسون بیله کی حزبلرینگ ده بو مسئله ده اؤزلرینه قوُلداو بریأندیگینی بیلدیردی.

تۆرکیه 28-نجی ژوئن ده اسپانیانینگ پایتاغتی مادریدداقی ناتو ماصلاحاتیندا فنلاند بیلن سوئدینگ ناتو قوراماسینا آغضا بوُلماغینی وتو ادیپدی.

ترور قورامالارینا آچ آچان قوُلداو بریأن ایکی یورت بیلن بیر پروتکلا امضا قوُیان آنکارا، سوئد و فنلاندینگ سؤزلرینی یرینه یتیرمه گینی ایسله یأر.



دِگیشلی حابارلار