رئیسی: آمریکا ایران-ی دورنوقسیزلاشدیرماق ایسله‌یأر
ایران ینگ جمهورباشلیغی، آمریکانینگ ایرانی قاریشدیرماق ایسله‌یأندیگینی اؤنگه سۆردی
ایران ینگ جمهورباشلیغی ابراهیم رئیسی قازاغیستان دا گچیریلیأن آسیادا حیذماتداشلیق و اینام یوُقارلادیجی چأره لر کنفرانسی نینگ 6-نجی یوُلباشچیلار ماصلاحاتیندا بیانات بردی.
ایران ینگ دؤولت تلویزیونی نینگ برن حابارینا گؤرأ، ابراهیم رئیسی یوردونا آمریکانینگ ادیأن حاربی و چأکلندیرمه تهدیتلرینی تأثیرسیز یاغدایا گتیرندیکلرینی بیلدیردی و ایندی بوُلسا واشنگتن رژیمی و ایشدشلری نینگ ایران-ی دورنوقسیزلاشدیرماق ایسله یأندیگینی نیغتادی.
آمریکانینگ ایرانا اوزاق ییللاردان بأری قوُیان چأکلندیرمه و حاربی تهدیدی نینگ دوُوام ادیأندیگینی آیدان رئیسی "ایران میللتی، آمریکانینگ حاربی تهدیدینی تأثیرسیز یاغدایا گتیردی و اؤزلری نینگ ده آیدیشی یالی چأکلندیرمه لر مسئله سینده اۆستۆنلیک قازانیپ بیلمه‌دیلر. آمریکانینگ میلیتاریزم و چأکلندیرمه سیاساتلاری نینگ تأثیرسیز قالماغیندان سوُنگ واشنگتن و حیذماتداشلاری دورنوقسیزلاشدیرما سیاساتینا یۆز توتدی و موندا دا حؤکمأن ینگیلجِکدیر" دیدی.
رئیسی ایران ینگ بؤلگه آرا و گلوبال یاغدایداقی حیذماتداشلیق و قارشیلیقلی حوُرماتا اساسلانیان عادالاتلی بیر اولغامی یوُلا قوُیماق اۆچین یاغشی نیتلی قوُنگشوچیلیق سیاساتینا و کؤپ تاراپلی و دوُوام ادیلیپ بیلینجک یاقین قاتناشیقلارا أهمیت بریأندیگینی ده سؤزلرینه قوُشدی.
