اوکراینانینگ یوُلباشچیسی خارکیف شهرینه باریپ گؤردی

روسیا اوکراینانینگ دوُنباس بؤلگه سینه هۆجۆملرینی آرتدیردی.

اوکراینانینگ یوُلباشچیسی ولودیمیر زلنسکی روسیانینگ هۆجۆملری نینگ مرکزی بوُلان خارکیف شهرینه باریپ گؤردی.

زلنسکی خارکیف شهرینده سالتیوکا محله سینده "هر زادی تأزه دن سالاریس، یاشاییش قوراریس" دیدی.

بیله کی تاراپدان دۆین اوکراینانینگ قشونی، روسیانینگ 30 مۆنگ 150 عسگری نینگ اؤلدۆریلندیگینی حابار بردی.

اوکراینانینگ قشونی شو واغتا چنلی روسلارینگ 1338 تانکینی، 207 اوچارینی، 174 دیک اوچارینی، 631 توُپونی و 93 هوُوا قوُراغ سیستمینی اوراندیقلارینی حابار بردی.

اوکراینانینگ قاضیه تی ده شو واغتا چنلی روس قشونی نینگ هۆجۆمی سبأپلی 242 چاغانینگ اؤلِندیگینی بیلدیردی.

روسیا بوُلسا دۆین اوکراینانینگ اولی بیر اوُق- دأری مرکزینی و بیر سوخوی- 25 اوچارینی اوراندیقلارینی حابار بردی.

روسیانینگ قشونی شو واغتا چنلی اوکراینانینگ 183 اوچارینی، 128 دیک اوچارینی، 325 هوُوا قوُراغ سیستمینی و 3 مۆنگ 309 تانک و سووتلی اولاغینی یوُق ادندیکلرینی بیلدیردی.