زلنسکی: یوروویژن یاریشی‌نینگ ماریوپول شهرینده گچیرمأگه تاغاللا ادریس

اوکراینانینگ یوروویژن آیدیم ساز یاریشیندا بیرینجی بوُلماغیندان سوُنگرا بیانات برن اوکراینانینگ یوُلباشچیسی ولودیمیر زلنسکی، بو یاریشینگ بیر گۆن ماریوپول شهرینده گچیریلمه‌گی اۆچین تاغاللا اتجکدیکلرینی نیغتادی.

زلنسکی "اؤنگۆمیزدأکی ییل اوکراینا یوروویژن یاریشینا یر ایه چیلیگینی ادر. اوکراینا تاریحیندا اۆچۆنجی گِزه‌ک بو یاریشا یر ایه چیلیگینی ادر و مونونگ سوُنگقی گِزه‌ک بوُلماجاقدیغینا ایناینارین" دیدی.

ولودیمیر زلنسکی روسیانینگ قاباوی آستیندا بوُلان ماریوپول بیلن باغلانشیقلی "یوروویژن یاریشینا قاتناشانلار و میهمانلاری بیر گۆن اوکراینانینگ ماریوپول شهرینده میهمان اتمه‌ک اۆچین الیمیزدن گلن ایشی ادریس" دیدی.

یاریشداقی اوکراینانینگ آیدیمچیلارینا ساغ بوُلسون آیدان زلنسکی "دوشمان بیلن ساواشدا ینگیش موزیگی نینگ کؤپ اوزاقدا بوُلماندیغینا اینامیم بار" دیدی.

اوکراینا 2004 و 2016-نجی ییلدا دا یوروویژن آیدیم ساز بأسلِه‌شیگینده بیرینجی بوُلوپدی.

بیله‌کی تاراپدان روسیا اوکراینانینگ ایکی اس- 300 هوُوا قوُراغ سیستمینی اوراندیغینی اؤنگه سۆردی.

روسیانینگ قوُرانماق وزیرلیگی نینگ مطبوغات گنگه شچیسی ایگور کوناشنکوف شو گۆنکی گۆنه چنلی اوکراینانینگ 165 اوچاری، 125 دیک اوچاری، 879 اوچارمانسیز اوچاری، 306 هوُوا قوُراغ سیستمی و 3 مۆنگ 98 تانک و سووتلی اولاغینی یوُق ادندیکلرینی اؤنگه سۆردی.