فنلاند ناتو قوراماسینا قوُشولماق ایسله‌یأر

فنلاند ناتو قوراماسینا آغضالیق اۆچین یۆز توتیار.

بو اۆلکه روسیا بیلن ساواشیندان سوُنگرا بو قوراما آغضا بوُلماجاقدیغینی قابول ادیپدی.

اِمما روسیانینگ اوکراینا هۆجۆم قوراماغیندان سوُنگرا فنلاند بیلن سوئد ناتو قوراماسینا گیرمه ک ایبسله یأر.

فنلاندینگ جمهورباشلیغی سائولی نینیستو و باش وزیر سانا مارین برن اوُرتاق بیاناتیندا یوردونینگ اینگ چالت یاغدایدا ناتو قوراماسینا آغضا بوُلماق اۆچین یۆز توتمالیدیغینی آیتدی.

فنلاندینگ ناتو قوراماسینا آغضالیغی اۆچین ایش آلیپ باریلیاندیغی بیلدیریلدی.

روسیانینگ یوُلباشچیلیق کؤشگی کرملین دن فنلاندینگ بو أدیمی تانقیت ادیلدی.

کرملین ینگ مطبوغات گنگه شچیسی دیمیتری پسکوف "فنلاندینگ ناتو قوراماسینا گیرمه گی روسیا اۆچین تهدیت‌دیر. ناتونینگ اولالماغی اوروپانی حوُوپسوز یاغدایا گتیرمه‌ز" دیدی.

روسیانینگ داشاری ایشلر وزیرلیگی ده فنلاند ناتو قوراماسینا آغضا بوُلسا روسیانینگ میللی حوُوپسوزلیغی اۆچین هم حاربی هم ده بیله کی چأره لر آلماغا مجبور بوُلجاقدیغینی بیلدیردی.