نیجریادا نبیتی قایتادان ایشله‌یأن کأرحانادا پارتلاما بوُلدی

نیجریانینگ ریورز ایالتینده بی قانون ایشله یأن بیر نبیت کأرحاناسیندا پارتلاما بوُلدی.

پارتلاما سبأپلی 109 آدام اؤلدی.

ریورز و ایمو ایالتیندأکی آباازی بؤلگه سینده بی قانون یاغدایدا ایش آلیپ باریان نبیتی قایتادان ایشله یأن کأرحانادا پارتلاما بوُلدی.

نیجریانینگ میللی قایراقوُیولماز دوُلاندیریش آژانسی نینگ جوُغاپکأرلریندن ایفانی ناجی "یاغدایینگ اربِتلیگی چاقلامالاریمیزدان دا اؤرأن اولی. شو واغتا چنلی 109 آدامینگ جانسیز بدنینی ییغنادیق" دیدی.

نیجریانینگ دؤولت یوُلباشچیسی محمد بخاری بوُلان واقانینگ "پاجیغا و میللی بیر بدباغتچیلیق" بوُلاندیغینی آیتدی.

بخاری پاجیغانینگ جوُغاپکأرلریندن حاساپ سوُرالجاقدیغینی آیتدی.

آفریقانینگ نبیت و طبیغی گاز تایدان بای یورتلاریندان بیری بوُلان نیجریادا حؤکۆمتینگ تاغاللالارینا قارامازدان، کؤپ سانلی بی قانون نبیتی قایتادان ایشله یأن کأرحانا ایش آلیپ باریار.

ریورز ایالتینده موندان اوزال دا بی قانون بیر نبیت کأرحاناسیندا پارتلاما بوُلوپدی و 25 آدام اؤلۆپدی.