زلنسکی: دۆنیأ اوکراینانینگ گۆن اوُرتاسینداقی یاغدایا دیمیق قالمالی دأل

اوکراینانینگ دؤولت یوُلباشچیسی ولودیمیر زلنسکی روس قشونی نینگ یوردونینگ گۆن اوُرتاسینداقی هرسون و زاپوریژیا بؤلگه لرینده ادن ایشلرینی یازغارمالیدیغینی آیتدی.

روسیانینگ قشونی نینگ توسساغ ادنلرینی ینچیأندیگینی اؤنگه سۆرن زلنسکی، "یرلی حأکیمیتلریمیز و اۆنس چکن جمغیتچیلیکلریمیزینگ یوُلباشچیلاری قاچیریلیار. موغاللیملار قوُرقوزیلیار. حوُرماتلی دینچ آلیشداقیلارینگ آیلیقلاری الیندن آلینیار. انسانی کؤمِکلر اوُغورلانیار. انسانلار آچلیغا محکوم ادیلیأر" دیدی.

روس قشونی نینگ اوکراینانینگ گۆن اوُرتاسیندا هۆجۆم اۆچین طایارلیق گؤریأندیگینه اۆنس چکن ولودیمیر زلنسکی، "روسلار ماریوپول شهرینی یوُق اتمأگه دوُوام ادیأر. دونباس بؤلگه سینی یوُق اتمه ک ایسله یأرلر. دونتسک و لوهانسک بؤلگه لرینی ده یر یۆزۆندن یوُق اتمه ک ایسله یأرلر" دیدی.

زلنسکی حارکف شهرینده سوُنگقی 4 گۆنده 18 آدامینگ اؤلدۆریلندیگینی و 106 آدامینگ یارالاناندیغینی آیتدی.

روس قشونی نینگ "بیلگیشله‌یین ترورچیلیق ادیأندیگینی" اؤنگه سۆرن اوکراینالی یوُلباشچی "روسیانینگ نبیتینه چأکلندیمه قوُیولمالی" دیدی.

زلنسکی ایسلأن یاراغلاری اۆچین 53 گۆندن بأری قاراشیاندیقلارینی دا سؤزلرینه قوُشدی.

اوکراینانینگ باش وزیری دنیس شمیگال دا اوکراینانینگ ماریوپول شهریندأکی عسگرلری نینگ تسلیم بوُلماندیقلارینی و ساواشیاندیغینی آیتدی.

شمیگال اوکراینادا 900-دن کؤپ شهر، شهرچه و اوُبانینگ روس اشغالیندان آزات ادیلندیگینی بیان اتدی.

اوکراینانینگ باش وزیری "مرایوپول هنیز اشغال ادیلمه دی. یاراغلی گۆیچلریمیز هنیز شوُل شهرده. عسگرلریمیز آحیرینا چنلی اورشار" دیدی.

روسیانینگ قوُرانماق وزیرلیگی نینگ مطبوغات گنگه شچیسی ایگور کوناشنکوف دا خارکف بؤلگه سینده اوکراینانینگ ایکی میگ- 29 ساواش اوچارینی اوراندیقلارینی حابار بردی.

کوناشنکوف شو واغتا چنلی روسیانینگ اوکراینا قشونی نینگ 136 اوچار، 471 اوچارمانسیز اوچار، 249 هوُوا قوُراغ سیستمی، 2 مۆنگ 308 تانک و سوُوتلی اولاغ، 254 راکت سیستمی، 998 توُپ و 2 مۆنگ 171 حاربی اولاغینی یوُق ادندیکلرینی بیلدیردی.