اوکراینا: بوچا شهرینده قیرغینچیلیق ادیلدی

اوکراینانینگ جمهورباشلیغی ولودیمیر زلنسکی بوچاداقی قیرغینچیلیغینگ "ساواش جنایاتی" بوُلاندیغینی آیتدی.

اوکراینانینگ پایتاغتی کیف ینگ قوُلایینداقی بوچا شهری روس گۆیچلری نینگ شهردن چیقماغی بیلن یانگاداندان اوکراینانینگ قشونی نینگ کنترلینا آلیندی.

اوکراینانینگ یوُلباشچیسی "اولاغلار تانکلار تاراپیندان باسیلدی. بۆتین ثبوتلار بوُلماسا دا ینجیلن شکنجه ادیلن آداملار بار. روس قشونی نأمه اۆچین بیله اتدی؟" دییپ سوُرادی.

زلنسکی "قشونیمیز و حالقیمیز اؤزۆنی قوُرامان بوُلسادی، روسلار بوچاداقی یالی اوکراینانینگ هر یرینده قیرغینچیلیق ادِردی" دیدی.

روسیانینگ یکه ماقصادی نینگ اوکراینانی آلماق بوُلماندیغینی آیدان ولودیمیر زلنسکی، روسیانینگ اوُدسا شهرینه هۆجۆم قوروپ اوُل یردن مولداوی قوُلایلاماق ایسله یأندیگینی بیلدیردی و شیله دوُوام اتدی: "مولداوی نینگ قاراشسیزلیغینی قوُراماق مؤهۆم ایشدیر"

اوکراینانینگ داشاری ایشلر وزیری دمیترو کولبا اوکراینانینگ قشونی نینگ روس گۆیچلریندن آلان بوچا شهریندن گلن حابارلار باراسیندا " بو بوزداغی نینگ گؤرۆنن بؤله‌گی" دیدی.

انگلستان ینگ داشاری ایشلر وزیری لیز تراس بیلن ورشو شهرینده دوشوشان کولبا اوکراینادا ساواشینگ دوُوام ادیأندیگینی بیلدیردی و روسیانینگ یوردونینگ گۆن دوُغاریندا اولی هۆجۆمه طایارلیق گؤریأندیگینی اؤنگه سۆردی.

بوچانینگ یاغدایینا اۆنس چکن کولبا، "ماریوپول شهریندأکی یاغدایدا بوچا و کیف ینگ قوُلایینداقی بیله کی شهرلرده گؤره‌نیمیزدن ده حاص اِربِت‌دیر" دیدی.

بیله کی تاراپدان بوچا شهرینده اؤلدۆریلن یاشاییجیلار جایلانیار.

بیر چاغالار باغیندا اؤلدۆریلن 5 یؤنه کی یاشاییجی نینگ جسدی قوُنامچیلیغیا ایبریلدی.

اوکراینانینگ ایچری ایشلر وزیری آنتون گراشنکو، "بوچا و اوکراینانینگ هر یرینهد کؤپ سانلی یؤنه‌کی یاشاییجی روس عسگرلری تاراپیندان اؤلدۆریلدی. اوُلار اؤلدۆریلمه‌گیندن اوُزال ینجیلدی" دیدی.

باشدا روسیانینگ دؤولت یوُلباشچیسی ولادیمیر پوتین بوُلماق بیلن روسیانینگ قوُرانماق وزیری و قشون باشلیغی نینگ یؤنه کی یاشاییجیلارا قورالان قیرغینچیلیق سبأپلی جوُغاپکأردیگینی آیدان گراشنکو یوردونی قوُراماق اۆچین یاراغ کؤمِگینی ایسله دی.