تۆرکیه بیلن سومالی نینگ یاقین قاتناشیقلاریندان 10 ییل گچدی

تۆرکیه بیلن سومالی نینگ یاقین دوُستلوق قاتناشیقلاری نینگ 10-نجی ییللیغی سومالی نینگ پایتاغتی موگادیشودا قوتلاندی.

سومالی نینگ باش وزیری نینگ اوُرونباساری مهدی محمد بو دابارادا ادن چیقیشیندا،

"سومالی بیلن تۆرکیأنینگ آراسینداقی 10 ییللیق دوُغانلیق قاتناشیقلاری، تعلیم تربیه، ساغلیغی قوُراییش، ایقدیصادی اؤسۆش، سومالی نینگ قشونی نینگ تأزه دن دیکه‌دیلمه گی و دیپلماسی باشدا بوُلماق بیلن کؤپ اوغوردا اؤسۆش اتدی" دیدی.

آراقاتناشیق وزیری عثمان دوبه ده آیدان سؤزلرینده،

"تۆرکیأنینگ جمهورباشلیغی رجب طیب أردوُغان 2011-نجی ییلینگ 19-نجی آگوست یندا سومالا ساپار قورادی، شوُل واغت سومالی اولی قیتچیلیق و آشاکؤپ قوراقچیلیغا قارشی کؤمِگه مأتأچدی" دیدی.

مالیه وزیری عبدالرحمن دواله بلیح ده، سومالی حؤکۆمتی نینگ گیردجیسی نینگ کؤپۆسی نینگ موگادیشو قوُنالغاسی و اسکله سیندن گلیأندیگینی و بو یرلرینگ تۆرک حؤکۆمتی نینگ اولی کؤمِکلری بیلن تأزه دن دیکه دیلندیگینی آیتدی.