انگلستان بیوان تک شرکتی نینگ سانجیمینا روغصات بردی

انگلستان، تۆرک عالیم پروفسور دکتر اوغور شاهین ینگ آلمانیاداقی شرکتی بیو ان تک بیلن آمریکان فایزر شرکتی نینگ کروناویروس واکسنینه روغصات بردی.

بی بی سی نینگ حابارینا گؤرأ انگلستان ینگ درمان و ساغلیق اؤنۆملری کنترل قوراماسی "BNT 162b2" واکسنی نینگ اورولماغینا روغصات بردی.

شیله لیک بیلن انگلستان، کروناویروسا قارشی واکسنه روغصات برن ایلکینجی اۆلکه بوُلدی.

انگلستان دا اؤنگۆمیزدأکی هپده بو واکسن اورولماغا باشلار.

لندن حؤکۆمتی بو واکسن دن 40 میلیون دُز آلیپدی.

ریبونوکلئیک اسید اساسیندا طایارلانان بو واکسن دۆنیأده کروناویروسا قارشی ایلکینجی واکسن.

بو واکسن 10 آی یالی قیسغا بیر واغتدا طایارلاندی و 3 کلینیک کنترل اتابیندان گچدی.

فایزر بیلن بیو ان تک شرکتی تاراپیندان طایارلانان واکسن 95 گؤتریم تأثیرلی.

تۆرکیأنینگ ساغلیغی قوُراییش وزیری فخرالدین قوُجا دا بو واکسن دن دکابر آییندا 1 میلیون دُز، قیش آیلاریندا 25 میلیون دُز ساتین آلینجاقدیغینی حابار بریپدی.

بیو ان تک بیلن فایزر شو ییل 100 میلیون، اؤنگۆمیزدأکی ییل بوُلسا 1.3 میلیارد دُز واکسن طایارلار.