ایران: "ارمنیستانا یاراغ ایبریلمه‌گی باراسینداقی حابار یالان"
ایران "ارمنیستانا یاراغ ایبریلمه گی" باراسینداقی حابارینگ یالاندیغینی بیلدیردی
1499428
ایران، اؤز سرحِتلریندن ارمنیستانا یاراغ و اوُق- دأری ایبریلندیگی باراداقی حابارلارینگ یالان بوُلاندیغینی بیلدیردی.
ایران ینگ داشاری ایشلر وزیرلیگی نینگ مطبوغات گنگه شچیسی سعید خطیب زاده، ژورنالیستلارینگ سوُراغلارینا جوُغاپ بردی.
ارمنیستانا ایران ینگ اۆستی بیلن یاراغ ایبریلمه گی باراداقی حابارلارینگ یالان بوُلاندیغینی آیدان خطیب زاده،
"ایران اؤز سرحتلریندن ترانزیت یاغدایدا گچن اؤنۆملری اۆنس بیلن کنترل ادیأر و گره‌کلی چأره لری گؤریأر. ایران سرحتلریندن مهمات و یاراغ آلیپ بارماق اۆچین اولانیلماغینا روغصات برمه‌ز" دیدی.
ایران بیلن قوُنگشی یورتلارینگ آراسیندا یؤنه کی اؤنۆملرینگ گچمه گینه همیشه بوُلشی یالی روغصات برمأگه دوُوام ادیلجکدیگینی آیدان خطیب زاده، یاراغ آلیپ باریاندیغی اؤنگه سۆرۆلن کامیونلارینگ دا یؤنه کی اؤنۆملر آلیپ باراندیغینی آیتدی.
