ایراندا کروناویروس سبأپلی 2077 آدام جان بردی
دۆنیأده کروناویروس سبأپلی اینگ کؤپ ییتگی چکن یورت ایتالیا
ایران ینگ ساغلیغی قوراییش وزیرلیگی کروناویروس سبأپلی یاراوسیزلانانلارینگ سانی نینگ 27 مۆنگ 17 آداما یتندیگینی بیلدیردی.
شو واغتا چنلی ایران دا بو ویروس سبأپلی آرادان چیقانلارینگ سانی دا 2077 آداما یتدی.
ایران ینگ رسمی ماقاملاری یورتدا 9625 آدامینگ دا بِجِرگی آلیپ کِسِلحانالاردان چیقاندیقلارینی حابار بردی.
دۆنیأده بو ویروس سبأپلی اؤلِنلرینگ سانی دا 18 مۆنگ 959 آداما یتدی.
سعودی عربیستان دا ریاض، مکه و مدینه شهرلرینی قرنطینه اتجکدیگینی بیلدیردی.
لیبی ده ده 1 آداما کروناویروس یوقاشاندیغی بیلدیریلدی.
هیندیستان دا 21 گۆن اؤیدن چیقماق قاداغان ادیلدی.
مالزیادا 1796 کِسِل بار.
بو یورتدا دا 17 آدام کروناویروس سبأپلی اؤلدی.
دۆنیأده کروناویروس سبأپلی اینگ کؤپ ییتگی چکن یورت ایتالیا.
ایتالیادا 6820 آدام کروناویروس سبأپلی آرادان چیقدی.
اسپانیا 3434 ییتگی بیلن ایکینجی یرده دوریار.
دِگیشلی حابارلار
کرواسی داقی سایلاودا کروات دموکرات بیلهلهشیگی ینگیش قازاندی
پارلمان سایلاویندا کروات دموکرات بیله له شیگی (HDZ) بیرینجی بوُلدی