اوکراینانینگ یۇلاغچی اوچاری تهران‌ینگ قۇلاییندا یره قاچدی

اوکراینانینگ بیر یۇلاغچی اوچاری تهران داقی امام خمینی قۇنالغاسیندان اوچاندان بیرنأچه واغت سۇنگرا، تهران ینگ قۇلاییندا پرند شهرینده یره قاچدی.

اوکراینا هۇوا یۇللارینا دگیشلی بوئینگ ۷۳۷ نینگ ۱۶۷ یۇلاغچیسی و ۹ اِکیپاژی باردیغی و هممه سی نینگ اؤلِندیگی بیلدیریلدی.

ایران ینگ رسمی حابار سریشده سی ایرنا یره قاچان اوچارینگ یۇلاغچیلاری نینگ کؤپۆسی نینگ ایرانلی بۇلاندیغی بیلدیردی.

اوچاردا تکنیک نأسازلیق سبأپلی موتوری نینگ یانماغا باشلاندیغینی حابار برن ایرنا، اوچارینگ قاچان یرینه یانغینی سؤندۆریش تۇپارلاری و تیز کؤمِک اولاغلاری نینگ (آمبولانس) ایبریلندیگینی حابار بردی.

ایران ینگ دؤولت تلویزیون کانالی دا اوچارداقیلارینگ هممه سی نینگ اؤلِندیگینی بیلدیردی.

فتوصورات ینگ چشمه سی: ایرنا