ایراندا آمریکا یازغاریلدی
ایران ینگ کؤپ سانلی شهرینده مۆنگلرچه آدام آمریکانینگ هۆجۆمینه قارشی یؤریش قورادی
ایران دا جومغا نامازیندان سونگرا کؤپ سانلی شهرده سپاه ینگ قدس گۆیجۆنینگ باشلیغی قاسم سلیمانی نینگ آمریکان دؤولتی تاراپیندان اؤلدۆریلمهگی یازغاریلدی.
ایران ینگ دؤولت تلویزیونی نینگ حابارینا گؤرأ پایتاغت تهران داقی امام خمینی مصلیسیندا اوقالان جومغا نامازیندان سونگرا مۆنگلرچه ایرانلی آمریکانینگ قوران هۆجۆمینی برک یازغاردی.
کرمان، قم و زاهدان یالی اولی شهرلرده ده یؤریشلر گچیریلدی و "آمریکا اۆچین اؤلۆم"، "ایسرائیل اۆچین اؤلۆم" و "ولایت فقیه ینگ دوشمانلارینا اؤلۆم" یالی شیغارلار بریلدی.
آمریکانینگ قورانماق وزیرلیگی، ایران ینگ سپاه قشونی نینگ قدس گۆیجۆنینگ باشلیغی ژنرال قاسم سلیمانی بیلن بیله لیکده حشد شعبی نینگ باشلیغی نینگ اوُرونباساری مهندس ینگ بغدادینگ قونالغاسی نینگ قوُلاییندا اؤلدۆریلندیگی بیلدیریپدی.
دِگیشلی حابارلار
پأکیستان دا سنی- شیغا طایپالارینگ چاقنیشیقلاریندا 25 آدام اؤلدی
20-نجی سپتامبردا خیبر پختونخوانینگ کرم شهرینده یر مسئله سی سبأپلی چاقنیشیق باشلاپدی