سوریه دأکی ساواشدا ۳۰ مۆنگ چاغا اؤلدی

سوریه ده ۲۰۱۱-نجی ییلینگ مارت آییندان بأری بۇلان ساواشدا اینگ آز ۲۹۰۱۷ چاغا اؤلدی.

سوریأنینگ انسان حاقلاری آغی (SNHR) "دۆنیأ چاغالار گۆنی میناسیبتلی" سوریه دأکی ایچرکی ساواشدا اؤلن چاغالار باراسیندا حابارناما چاپ اتدی.

شونگا گؤرأ اسد رژیمی و اۇنگا قۇلداو بریأن ایران ینگ تاراپیندان اولانیلیان باش بۇزارلار اینگ آز ۲۲۷۵۳ چاغانی اؤلدۆردی، رژیم گۆیچلرینه قۇلداو بریأن روسیانینگ هۇوا هۆجۆمینده ده ۱۹۲۸ چاغا اؤلدی.

SDG آدی بیلن بیلینیأن ترور قوراماسی ی. پ. گ/ پ. ک. ک ۲۱۴ چاغانی، ترور قوراماسی داعش ده ۹۵۶ چاغانی اؤلدۆردی.

محالیفلار ینگ رژیم بیلن چاقنیشیقلاری دا ۱۰۴۸ چاغانینگ اؤلمه گینه سبأپ بۇلدی.

داعش ترور قوراماسینا قارشی اورشان یاراغلی حالقارا گۆیچلر ده ۹۲۴ چاغانینگ اؤلمه گینه سبأپ بۇلدی.

کیملیگی نأبِللی تاراپلار دا ۱۱۹۴ چاغا اؤلدۆردی.

شۇل حابارناما گؤرأ اسد رژیمی نینگ شیمیایی هۆجۆملرینده ۱۸۶ چاغا اؤلدی.

ایچرکی ساواشینگ باشلاماغیندان بأری اۇن مۆنگلرچه چاغادان اینگ آز ۵۰۴۳-ی ضامون آلیندی.

رژیمینگ زندانلاریندا اینگ آزیندان ۳۶۱۸ چاغا بار.

ترور قوراماسی ی. پ. گ/ پ. ک. ک نینگ زندانلاریندا دا ۷۲۲ چاغا بار.

SNHR، چاغالارینگ زۇر بیلن قوللوغا ایبریلیأندیگینی ده حابارناماسینا بیلدیردی.