مکرون: آراکان‌دا بۇلانلار قیرغینچیلیقدیر
فرانسیانینگ جمهورباشلیغی: میانماردا مسلمانلارا قارشی قیرغینچیلیق ادیلدی
فرانسیانینگ جمهورباشلیغی امانئول مکرون میانمار ینگ آراکان ولایاتیندا بۇلان واقالارینگ قیرغینچیلیق بۇلاندیغینی بیلدیردی.
مکرون بیرلشن میللتلر قوراماسی نینگ عمومی ماصلاحاتینا قاتناشماق اۆچین نیویورک دا.
مکرون شۇل یرده فرانسوز تی ام سی تلویزیون کانالینا بیانات بردی.
فرانسیانینگ جمهورباشلیغی، میانماردا آراکانلی مسلمانلارا ادیلن هۆجۆمی اتنیکی صاپلاییش دییپ بِلله دی، یازغاردی و بو بارادا بیر ایشه گیریلمه گینی ایسله دی.
دارتغینلیغینگ اۇرتادان آیریلماغی اۆچین چاغیریش ادیلمه گینی و شۇل یرده یاشایانلارا کؤمک بریلمه گینی آیدان مکرون، بو واقانینگ بیرلشن میللتلر قوراماسیندا دوشوشیلماغی نینگ حاص أهمیتلی بۇلاندیغینی آیتدی.
امانوئل مکرون "فرانسیا، بیرلشن میللتر قوراماسی نینگ حۇوپسوزلیق گنگه شیندأکی ایشدشلری بیلن قورامانینگ دۇوام ادیأن اتنیکی صاپلاییش و قیرغینچیلیغی یازغارماغی اۆچین ایشه باشلار" دیدی.
مکرون دۆین بیرلشن میللتلر قوراماسیندا برن بیاناتیندا میانمارداقی واقالاری اتنیکی صاپلاییش دییپ حأصیه تلندیریپدی.
میانماردا آراکانلی مسلمانلارا قارشی هۆجۆملرده مۆگلرچه مسلمان اؤلدی، ۴۰۰ مۆنگدن قۇوراق آدام قۇنگشی یورت بنگلادشه قاچماغا مجبور بۇلدی.
