تۆرکیه حلب‌دأکی هۆجۆمی یازغاردی

سوریأنینگ حلب شأهِرینه روسیانینگ قشونینا دگیشلی ساواش اوچارلاری تاراپیندان قورالان هۆجۆمده ۲۸ آدام اؤلدی، ۵۷ آدام یارالاندی.

محالیفلارینگ کنترلینداقی یره قورالان هۇوا هۆجۆمینده کؤپ سانلی اؤی و جای ییقیلدی.

کلر گازی و چلک بمباسی بیلن قورالان هۆجۆمدن زنانالار و چاغالار دا پایینی آلدی.

۱۰۰ آدام کسلحانا ایبریلدی.

تۆرکیه، سوریه رژیمی‌نینگ کلر گازی بیلن قوران هۆجۆمینی برک یازغاردی.

داشاری ایشلر وزیرلیگی تاراپیندان بریلن یازماچا بیاناتدا، شۇل هۆجۆمینگ بیرلشن میللتلر قوراماسی‌نینگ حۇوپسوزلیق گنگه‌شی‌نینگ ۲۲۱۸ و ۲۲۰۹ سانلی قارارینا آچ آچان ترس بۇلاندیغی یاتلادیلیپ شیله دییلدی:

"شیمیایی یاراغلارینگ قاداغانچیلیغی قوراماسی و بیرلشن میللتلر قوراماسی‌نینگ اۇرتاق سۇراغ مکانیزمی تاراپیندان رژیمینگ شیمیایی یاراغ اولاناندیغی بیان ادیلندن سۇنگ شو گۆنلرده دارغان اۇت آچیلشیغا بس تاغاللالاری‌نینگ تأزه‌دن دیلکه‌دیلمأگه سینانشیلان شو گۆنلرده شیله بیر هۆجۆمینگ ادیلمه‌گی رژیمینگ حالقارا جمغیتچیلیگه حاسابا آلمایاندیغینا ینه بیر گِزِک شایاتلیق اتدی."

حالقارا جمغیتچیلیگه قۇلایلان قوربان بایرامیندان پیدالانیپ، حلب‌‍ده و سوریأنینگ هر یرینده چاقنیشیقسیزلیق یاغدایینا گلمه‌ک اۆچین تاغاللا ادیلمه‌گی ایسله‌نِن بیاناتدا تۆرکیأنینگ شو اوغورداقی تاغاللالاری‌نینگ دۇوام اتجکدیگی بیلدیریلدی.