مسعود اؤزیل آذربایجانا قوُلداو بردی
تانیمال فوتبالچی ارمنیستان ینگ، اشغال ادن یرلریندن چیقماغینی ایسله دی
انگلستان ینگ آرسنال فوتبال توُپاریندا اوُینایان تانیمال فوتبالچی مسعود اؤزیل آذربایجان ینگ قشونی نینگ ارمنیستان ینگ اشغالی نینگ آستینداقی توُپراقلارینی حالاص اتمه ک اۆچین باشلادان حرکتینه قوُلداو بردی.
اؤزیل توییتر حاسابیندان "یکه تأک میلل، ایکی دؤولت" دییپ یازدی و بۆتین دۆنیأنینگ داغلیق قاراباغ بؤلگه سی نینگ قانونی تایدان و حالقارا یاغدایدا آذربایجانا دگیشلی بوُلاندیغینی و بی قانون یوُللار بیلن اشغال ادیلندیگینی بیان اتمه گینی ایسله دی.
2008-نجی ییلینگ مارت آییندا بیرلشن میللتلر قوراماسی نینگ آذربایجان ینگ توُپراق بیتولیگینی قابول ادندیگینی و ارمنی گۆیچلرینگ آذربایجان ینگ توُپراقلاریندان چیقمالیدیغینا اۆنس چکندیگینی یاتلادان اؤزیل،
"بیرلشن میللتلر قوراماسی نینگ عمومی ماصلاحاتی نینگ قاراری نینگ دوُغری بوُلاندیغی و هممه حالق تاراپیندان تانالمالیدیغینی یاتلاتماق ایسله یأرین" دییپ یازدی.
پاراحاتچیلیغینگ یوُلا قوُیولمالیدیغینی آیدان اؤزیل،
"آذربایجان ینگ داغلیق قاراباغ بؤلگه سیندأکی یاراغلی چاقنیشیقلار اولی حوُوپ آباندیریار، حالقارا پاراحاتچیلیق و حوُوپسوزلیغی تهدیت ادیأر. بیرلشن میللتلر قوراماسی باشدا بوُلماق بیلن شیله حوُوپی بیلدیریأنلره قوُشولیارین. پاراحاتچیلیغا قوُلداو بریأرین. بیرجه سانی دا چاقنیشیغینگ بوُلمانی عادالاتلی بیر گلجه ک اۆچین تاغاللا ادیلینگ. ایکی تاراپینگ دا ییتگیلری هممه حالقینگ ییتگیلریدیر" دییپ بیلدیردی.
