Iki Aýda 6 Million 485 Müň 105 Dollarlyk Bal Eksport Edildi

Türkiýeden ýanwar-fewral aýlaryny öz içine alýan döwürde 6 million 485 müň 105 dollarlyk bal eksport edildi.

Gündogar Gara deňiz eksportçylar bileleşiginiň dolanşyk geňeşiniň başlygynyň orunbasary Ahmed Hamdi Gürdogan, Türkiýeden 2 aýda 26 ýurda bal eksport edilendigini aýtdy.

Ýanwar-fewral aýlarynda 2 müň 76 tonna balyň eksport edilendigini aýdan Gürdogan, ady agzalýan eksportdan 6 million 485 müň 105 dollarlyk girdeji gazanylandygyny belledi.

ABŞ-nyň, Ysraýylyň we Germaniýanyň bal eksportunda esasy orun eýeleýändigine ünsi çeken Gürdogan, “ABŞ-na 1 million 881 müň 9 dollarlyk, Ysraýyla 1 million 593 müň 938 dollarlyk, Germaniýa hem 963 müň 153 dollarlyk bal eksport edildi” diýdi.