Gazprom: "Gazyň mukdary 20 göterim artar" diýdi

Russiýanyň energiýa kärhanasy Gazprom, Ukrainanyň üstaşyr Ýewropa ugradylýan gazyň mukdaryny şu gün düýnki güne garanyňda 20 göterim artydyrp, 29,4 million kub metre ýetirjekdigini habar berdi. 

Gazprom kärhanasynyň rus metbugatyna beren beýanatynda, Sohraniwka paýlaýyş nokadyndan gaz eksport talabynyň Ukraina tarapyndan ret edilendigi mälim edildi. 

Eksportyň Sudža nokadyndan dowam etjekdigi bellenen beýanatda, ady agzalan nokatdan eksportyň mukdarynyň şu gün 29,4 million kub metr derejesine çenli ýokarlandyryljakdygy beýan edildi. 

Düýn Ukrainanyň üstaşyr Ýewropa 24,5 million kub metr tebigy gaz eksport eden Gazprom kärhanasynyň eksporty 31-nji ýanwar bilen deňeşdirilende 20 göterim artdyrylar. 

Ukraina 2022-nji ýylda Ýewropa ugradylýan rus tebigy gazynyň 1/3 böleginiň geçýän Sohraniwka paýlaýyş nokadyndaky eksporty bes edipdi. 

Gazprom kärhanasynyň Demirgazyk Akym geçiriji liniýalary we Ýamal-Ýewropa üsti bilen Günbatar we Orta Ýewropa tebigy gaz eksportyny duruzypdy. 

Kärhananyň ady agzalan sebitlere eksporty diňe Ukrainanyň üstaşyr dowam edýär.