Türkiyede daşary ýurtly raýatlara satylan ýaşaýyş jaýlaryň sany artdy
Türkiyede 2022-nji ýylda daşary ýurtly raýatlara satylan ýaşaýyş jaýlaryň mukdary 2021-nji ýyla garanyňda 15,2 göterim artdy
1933923
Türkiyede geçen ýyl daşary ýurtly raýatlara 67 müň 490 ýaşaýyş jaý satyldy.
Daşary ýurtlylaryň satyn alan ýaşaýyş jaýlaryň sany 2022-nji ýylda 2021-nji ýyla garanyňda 15,2 göterim ýokarlady.
Geçen ýyl daşary ýurtlylara satylan ýaşaýyş jaýlar jemi satylan ýaşaýyş jaýlaryň 4,5 göterimine barabar boldy. 2022-nji ýylda daşary ýurtly raýatlara Stambulda 24 müň 953 jaý satylan bolsa, Antalýada 21 müň 860 ýaşaýyş jaý, Mersinde bolsa 4 müň 316 ýaşaýyş jaý satyldy.
Russiýanyň raýatlary geçen ýyl Türkiyeden 16 müň 312 ýaşaýyş jaý satyn alan bolsalar, Eýranyň raýatlary 8 müň 223 ýaşaýyş jaý, Yragyň raýatlary 6 müň 241 ýaşaýyş jaý satyn aldylar.