Türk işewür adamlar Katara gider
Türk işewür adamlar TOBB bilen Kataryň Söwda we senagat palatasynyň bilelikde 15-17-nji ýanwar aralygynda geçirjek Türkiýe-Katar işewürler forumyna gatnaşmak Katara gider
TOBB tarapyndan berilen ýazmaça beýanatda TOBB bilen Kataryň Söwda we senagat palatasynyň arasynda gol çekişilen ylalaşygyň we 2017-nji ýylda firmalar bilen ýerine ýetirilen işleriň netijesinde 15-17-nji ýanwar aralygynda Katara sapar guramak barada karar kabul edilendigi mälim edildi.
Şol çäkde geçiriljek Türkiýe-Katar işewürler forumy TOBB-yň başlygy Rifat Hisarjyklyogly bilen Kataryň Söwda we senagat palatasynyň başlygy Şaikh Khalifa Bin Jassim Al Thaniniň çykyşlary bilen başlar.
Türkiýeden we Katardan käbir ministrleriň hem gatnaşmagyna garaşylýan forumda hünärmenler tarapyndan ýurtlary tanyşdyrýan dokladlar okalar.
Türkiýe-Katar işewürler forumynyň çäginde başda infrastruktura, elektrikli enjamlar, senagat harytlary, azyk we oba-hojalyk önümleri, logistika, gurluşyk, maglumat tehnologiýalary, tehnika we abzallar, aýna we gap-çanak, oba-hojalyk enjamlary, energetika hyzmatlary bilen derman we saglygy goraýyş enjamlary ýaly pudaklarda iş alyp barýan iki ýurdyň wekilleri duşuşyklar geçirer we käbir desgalara baryp görüler.
Degişli Habarlar
Funduk Eksporty Artdy
3 aýda 100 müň 426 tonna funduk eksport edilip 811 million 879 müň 294 dollarlyk girdeji gazanyldy.
