Hakan Fidan Kärdeşleri Bilen Siriýada Başdan Geçirilýän Soňky Wakalar Hakynda Pikir Alyşdy
Fidan, ABŞ-nyň Döwlet sekretary i Blinken we Saud Arabystanynyň Daşary işler ministri Ferhan al Suud bilen telefon arkaly söhbetdeşlik geçirdi
Daşary işler ministri Hakan Fidan, ABŞ-nyň Döwlet sekretary Entoni Blinken we Saud Arabystanynyň Daşary işler ministri Faýsal bin Ferhan al Suud bilen Siriýada başdan geçirilýän soňky wakalar hakynda pikir alyşdy.
Hakan Fidan, Blinken bilen geçiren telefon söhbetdeşliginde, Türkiýäniň sebiti has-da durnuksyzlaşdyrjak haýsydyr bir waka garşydygyny, şol çäkde Siriýadaky dartgynlygyň gowşamagyna goldaw berýändigini aýtdy.
Siriýada parahatçylygyň we durnuklylygyň ýola goýulmagy üçin hökümet bilen oppozisionerleriň arasyndaky syýasy etabyň tamamlanmalydygyny aýdan Fidan, Türkiýä we siriýaly asuda ilata garşy terrorçylykly hüjümiň guralmagyna asla rugsat bermejekdiklerini ýatlatdy.
Ministr Fidan, Liwandaky ylalaşygyň yzygiderli bolmagy üçin Ysraýylyň wadasynda durmalydygyny, Gazada hüjümleriň gyssagly bes edilmelidigini we ynsanperwer kömeginiň bökdençsiz sebite ýetirilmelidigini nygtady.
Fidan bilen Blinken telefon söhbetdeşliginde Ukrainada we Günorta Kawkazda başdan geçirilýän soňky wakalar hakynda hem pikir alyşdy.
Daşary işler ministri Hakan Fidan, Saud Arabystanynyň Daşary işler ministri Faýsalbin Ferhan al Suud bilen geçiren telefon söhbetdeşliginde hem Siriýada başdan geçirilýän soňky wakalar hakynda pikir alyşdy.
Degişli Habarlar
Mongoliýanyň Prezidenti Stambulyň Taryhy Ýerlerine Baryp Gördi
Myhman Prezidente, Medeniýet we syýahatçylyk ministri Mehmet Nuri Ersoý ýoldaşlyk etdi.
“PKK/ÝPG-ny Ýakyndan Sebitden Kowup Çykararys”
Erdogan, partiýasynyň Kaýseride geçirlen gurultaýyna gatnaşdy.