Terrora garşy göreşiň çäginde ýene-de 14 terrorçy täsirsiz ýagdaýa getirildi
Terrora garşy göreş tutanýerli ýagdaýda dowam etdirilýär
Siriýanyň demirgazygyndaky Ýewfrat Galkany we Zeýtun Şahajygy operasiýalary sebitlerinde 6 terrorçy täsirsiz ýagdaýa getirildi.
Türkiyäniň Milli Goranmak ministrliginden berilen beýanatda: "Siriýanyň demirgazygyndaky PKK/ÝPG-e agza terrorçylary hendeklere gömmäge dowam edýäris. Gahryman Türkiyäniň Ýaragly güýçleri Siriýanyň demirgazygyndaky Ýewfrat Galkany we Zeýtun Şahajygy operasiýalary sebitlerinde PKK/ÝPG-e agza 6 terrorçyny täsirsiz ýagdaýa getirdi. Iň soňky terrorçy täsirsiz ýagdaýa getirilýänçä çenli operasiýalarymyz dowam eder" diýip habar berildi.
Yragyň demirgazygyndaky Penje-Gulp operasiýasy sebiti bilen Gara we Metine sebitlerinde anyklanan ekstremist terror guramasy PKK-a agza 8 terrorçy täsirsiz ýagdaýa getirildi.
Türkiyäniň Milli Goranmak ministrliginiň sosial media hasabyndan berilen başga bir beýanatda bolsa: "Türkiyäniň Ýaragly güýçleri milletimizden alýan güýji bilen terrorçylary güýçli ýagdaýda arassalamaga dowam edýär. Yragyň demirgazygyndaky Penje-Gulp operasiýasy sebiti bilen Gara we Metine sebitlerinde anyklanan ekstremist terror guramasy PKK-a agza 8 terrorçy täsirsiz ýagdaýa getirildi. Terrory gözbaşynda ýok etmekden erjeldiris, tutanýerlidiris" diýip habar berildi.
