Yragyň we Siriýanyň demirgazygynda PKK-a agza jemi 37 terrorçy täsirsiz ýagdaýa getirildi

Türkiyäniň Milli Goranmak ministrliginiň sosial media hasabyndan berilen beýanatda: "Ýerli we milli güýjümiz bilen terrorçylaryň hinlerini ýer bilen ýegsan edýäris. Yragyň demirgazygynda geçirilen howa operasiýasynyň netijesinde PKK-a agza 23 terrorçy täsirsiz ýagdaýa getirildi. Terrory gözbaşynda ýok etmek boýunça erjeldiris, tutanýerlidiris, başararys" diýip habar berildi. 

Türkiyäniň Milli Goranmak ministrliginden berilen başga bir beýanatda bolsa Siriýanyň demirgazygynda PKK/ÝPG-e agza 14 terrorçynyň täsirsiz ýagdaýa getirilendigi mälim edildi.

Beýanatda: "Güýçlidiris, tutanýerlidiris. Gahryman Türkiyäniň Ýaragly güýçleri Ýewfrat Galkany we Parahatçylyk Çeşmesi sebitlerinde anyklan PKK/ÝPG-e agza 14 terrorçyny täsirsiz ýagdaýa getirdi. Eziz watanymyz üçin terrora we terrorçylara garşy göreşimizi ähli güýjümiz bilen dowam etdirýäris" diýip habar berildi.