Finlýandiýanyň Prezidenti Stubb TBMM-niň Başlygy Numan Kurtulmuş Bilen Duşuşdy
Stubb,BMG-da parahatçylygyň ýola goýulmagy üçin Türkiýe bilen birnäçe ýyldan bäri ýakyndan işleşýändiklerini belledi
Finlýandiýanyň Prezidenti Aleksandr Stubb Prezident R. T. Erdoganyň myhmany hökmünde Ankara geldi.
Prezidentiň ýanyndaky Kommunikasiýalar edarasyndan berlen ýazmaça beýannama görä, myhman Prezident Stubb, resmi saparynyň çäginde ilki Türkiýe Respublikasynyň esaslandyryjysy Mustafa Kemal Atatürkiň aramgähine bardy.
Myhman Prezident soň bolsa TBMM-niň Başlygy Numan Kurtulmuş bilen Mejlisde duşuşdy.
Numan Kurtulmuş duşuşykda iki ýurduň arasyndaky oňyn gatnaşyklaryň pugtalanmak bilen dowam etmegi üçin parlamentarlar diplomatiýasyndan ýerlikli peýdalanmagyň ähmiýetini nygtady.
Finlýandiýanyň Prezidenti Stubb bolsa BMG-da parahatçylygyň ýola goýulmagy üçin Türkiýe bilen birnäçe ýyldan bäri ýakyndan işleşýändiklerini ýatlatdy.
Degişli Habarlar
Iordaniýanyň Daşary Işler Ministri Ankarada Saparda Bolar
Daşary işler ministri Hakan Fidan ertir iordaniýaly kärdeşi bilen duşuşar.
