“Ysraýylyň Gazada Edýän Zulumy Diýseň Howply”

Daşary işler ministri Hakan Fidan, Ysraýylyň Gazada edýän zulumynyň, Gara deňiz ykdysady hyzmatdaşlyk guramasyna agza ýurtlaryň ýerleşýän sebiti taýdan hem howplydygyny we hüjümleriň gyssagly bes edilmelidigini aýtdy.

Ministr Fidan, Ukrainanyň paýtagty Kiýewde geçirlen Gara deňiz Ykdysady hyzmatdaşlyk guramasynyň Parlamentarlar Assambleýasynyň 62-nji sessiýa guramanyň döwürleýin ýolbaşçysy hökmünde ýüzlenme ugratdy.

Fidan ýüzlenmesinde, Ukrainadaky söweşiň we epidiýanyň dünýä ýurtlaryna ýaramaz täsirini ýetirmäge dowam edýän günlerinde 7-nji oktýabrdan bäri başdan geçirilýän wakalaryň, Ysraýyl-Palestina dartgynlyga uly üns berilmelidigini ýatladandygyny nygtady.

Daşary işler ministri Fidan, “Ysraýylyň Gazada edýän zulumy, Gara deňiz ykdysady hyzmatdaşlyk guramasyna agza ýurtlaryň ýerleşýän sebiti taýdan hem howply. Hüjümler gyssagly bes edilmeli, asuda ilata yzygiderli ýagdaýda ynsanperwer kömegi berilmeli. Ysraýyl-Palestina meselesi iki döwletli çözgüde we halkara kadalara laýyklykda çözülmeli”diýip belledi.

Hakan Fidan, “Halkara ulgamyň hüjümleriň bes edilmegini, ýola goýlup bilmezligi, müňlerçe çaganyň, zenanyň we BMG-nyň işgärleriniň ödürlendigine garamazdan käbir ýurtlaryň dymmagy, Ukraina meselesiniň başda durmagynda çaknyşyk zolaklaryna ýaramaz täsirini ýetirip biler” diýdi.

Türkiýäniň Ukraina berýän goldawyny dowam etdirjekdigine ünsi çeken Fidan, “Ukrainanyň garaşsyzlgyna, özygtyýarlygyna we bitewiligine goldaw bermäge, yzygiderli parahatçylygyň ýola goýulmagy üçin we Gara deňiz galla geçelgesiniň ýaňadandan açylmagy üçin tagalla etmäge dowam ederis” diýdi.