Türkiyäniň, Şwesiýanyň we Finlýandiýanyň arasynda maslahat geçiriler

Türkiyäniň, Şwesiýanyň we Finlýandiýanyň daşary işler we milli howpsuzlyk gulluklarynyň başlyklarynyň arasynda Belgiýanyň paýtagty Brýussel şäherinde şu gün möhüm maslahat geçiriler. 

Şwesiýanyň NATO agzalygy 11-12-nji iýul aralygynda Litwanyň paýtagty Wilnýus şäherinde geçiriljek sammitde gün tertibiniň ileri tutulýan ugry bolar. 

Sammitden ozal şu gün Brýussel şäherinde Türkiyäniň, Şwesiýanyň we Finlýandiýanyň daşary işler we milli howpsuzlyk gulluklarynyň başlyklarynyň arasynda maslahat geçiriler. 

Maslahatda Türkiyä daşary işler ministri Hakan Fidan, Milli howpsuzlyk gullugynyň başlygy Ibrahim Kalyn we Prezidentiň baş maslahatçysy Akif Çagataý Kylyç wekilçilik ederler. 

Emma maslahatdan ozal Şwesiýa entek Türkiyäniň garaşýan tamalary boýunça ädimler edtmedi. 

Stokgolm terrora garşy göreş kanunyna 1-nji iýunda üýtgeşmeler we goşmaçalar girizsede, Ankara tarapyndan islenen ekstremist terror guramasy PKK we Fetullahçy terror guramasyna agza terrorçylary entek yzyna gaýtaryp bermedi. 

Ankara şol ädimler edilmän halatynda Şwesiýanyň NATO agzalygyny tassyklamajakdygyny açyk ýagdaýda beýan etdi. 

Russiýa-Ukraina söweşiniň başlamagyndan soň Finlýandiýanyň goňşysy bolan Şwesiýa, onlarça ýyllyk harby bitaraplyk syýasatyny bes edip, 2022-nji ýylyň 18-nji maýynda NATO agza bolmak üçin ýüz tutupdy. 

Finlýandiýa şu ýylyň 4-nji aprelinde NATO-nyň 31-nji agzasy bolan bolsa, Türkiye we Wengriýa Şwesiýanyň agzalygyny entek tassyklamadylar.