Prezident Erdogan TOBB-yň baş geňeşinde çykyş etdi

Prezident Rejep Taýýip Erdogan Türkiyäniň Palatalar we biržalar birleşiginiň 79-nji baş geňeşinde söz sözlän Prezident Erdogan, ýurduň sezewar galan meselelere umumy akyl bilen çözgüt gözlejekdiklerini belläp: "Işewür dünýäsi bilen, raýat jemgyýetçilik guramalary bilen, syýasy edaralary bilen jebislik we agzybirlik bilen nesip bolsa Türkiye Asyryny ählimiz bilelikde gurarys" diýip belledi. 

Başdan geçirilen bagtyýarlyk ýitgileriň öwezini dolmak üçin ädimler etmekde tutanýerlidiklerini aýdan Prezident Erdogan: "Raýatlarymyzy inflaýsiýanyň täsirinden aýyrmak ugrundaky syýasatymyza çürt-kesik baglydyrys. Ýokary inflýasiýa meselesini bir belgili görkezijilere düşürip, halkymyzy arkaýyn eden bizdik, mundan soň hem biz bolarys. Global ykdysadyýetdäki tolgunmalar durdugy saýyn, onuň hem oňyn netijelerini göreris" diýip belledi. 

Ministrler kabinetiniň düzüminiň kesgitlenmeginden soň daşary ýurt saparlaryna başlajakdygyny, Türkiyä sapar gurajak dünýä liderleriniň bardygyny aýdan Prezident Erdogan: "Ýewropadan Gara deňize, Kawkaza we Ýakyn Gündogardan Demirgazyk Afrika çenli Türkiyäniň daş töwereginde bir howpsuzlyk we parahatçylyk gurşawyny emele getirmegi maksat edinýäris" diýip nygtady. 

Prezident Erdogan soňky wagtlarda syýasy şantaž edip ulanylan wiza meselesini hem iň gysga wagtda çözjekdiklerini habar berdi.