Türkiye bilen Kuweýtiň arasynda syýasy geňeşmeler geçirildi

Türkiye bilen Kuweýtiň Daşary işler ministleriniň arasyndaky syýasy geňeşmeleriň 8-njisi Daşary işler ministriniň orunbasary, Adatdan daşary we doly ygtyýarly ilçisi Burak Akçaparyň gatnaşmagynda geçirildi. 

Kuweýtiň habarlar agentligi KUNA tarapyndan berilen habara görä, Daşary işler ministriniň orunbasary, Adatdan daşary we doly ygtyýarly ilçisi Burak Akçapar bilen ýanyndaky wekiliýet paýtagt Kuweýtdäki Daşary işler ministrliginde Kuweýtiň Daşary işler ministriniň orunbasary Mansur Iýad al-Uteýbiniň ýolbaşçylygyndaky Kuweýtiň wekiliýeti bilen geňeşmeler geçirdi. 

Sekizinji gezek geçirilen Türkiye-Kuweýt syýasy geňeşmeleriň maslahatynda iki ýurduň arasyndaky strategik dostluk, hyzmatdaşlyk gatnaşyklary bilen olary dürli ugurlar boýunça ösdürmegiň ýollary ara alynyp maslahatlaşyldy. 

Maslahatda mundan başgada halkara we sebitleýin hadysalar barada pikir alyşyldy.