Ýer Titremelerinde 49 Müň 589 Adam Ýogaldy
Fuat Oktaý, “Ýer titremeleri sebäpli 6 müň 807-si daşary ýurtly bolmak bilen 49 müň 589 raýatymyz ýogaldy” diýdi.
6-njy fewralda güýç merkezi Kahramanmaraşda we 11 welaýatda uly ýitgi çekilmegine sebäp bolan ýer titremelerinde ýogalanlaryň sany 49 müň 589 adama ýetdi.
Prezidentiň orunbasary Fuat Oktaý, AFAD-yň utgaşyklyk merkezinde ýer titremelerinden soň alnyp barylýan işler hakynda maglumat berdi.
Fuat Oktaý, “Ýer titremeleri sebäpli 6 müň 807-si daşary ýurtly bolmak bilen 49 müň 589 raýatymyz ýogaldy” diýdi.
Ýer titremeleriniň başdan geçirlen sebitlerinde çadyr we konteýner şäherçeleriniň gurulýandygyny aýdan Oktaý, “Gurulan çadyrlara 1 million 921 müň raýatymyz, konteýnerlere hem 96 müň 444 raýatymyz ornaşdyryldy” diýip belledi.
Adyýamanda we Şanlyurfada başdan geçirlen sil apaty barada durup geçen Oktaý, apatda 18 adamyň ýogalandygyny, ýiten 3 adamyň tapylmagy üçin gözleg we halas ediş işleriniň dowam edýändini ýatlatdy.
Degişli Habarlar
Prezident Erdogan Yrakda saparda bolýar
Türkiyäniň Prezidenti Rejep Taýýip Erdogan 12 ýyl arakesmeden soň şu gün Yrakda resmi saparda bolýar