Galla Geçelgesi Ylalaşygynyň Möhledi Uzadyldy

Prezident R. Erdogan, Galla geçelgesi ylalaşygynyň möhlediniň uzadylandygyny aýtdy.

Prezident Erdogan, 18-nji mart Şehitleri hatyralama we Çanakgala deňiz ýeňişiniň 108 ýyllygy mynasibetli Çanakgalada geçirlen dabarada çykyş etdi.

Çykyşynda Türkiýäniň BMG bilen birlikde 22-nji iýulda Gara deňiz galla geçelgesi ylalaşynyň gazanylmagynda uly rol oýnandygyny aýdan Erdogan “Mälim bolşy ýaly Russiýa bilen Ukrainanyň arasynda ýesir çalşygy bilen birlikde söweşden soň gazanylan esasy ylalaşyklardan biri bolan Galla geçelgesi ylalagynyň möhledi şu gün gutarýar. Russiýa we Ukraina bilen geçirlen gepleşikler netijesinde ylalaşygyň möhledi uzadyldy” diýip belledi.

Erdogan  Gara deňiz galla geçelgesi arkaly şu günki güne çenli 800-den gowrak gämi bilen 25 million tonna gallanyň dünýä bazarlaryna ýetirlendigine ünsi çekdi.

Prezident Erdogan ylalaşygynyň möhlediniň ýene-e bir gezek uzadylmagy üçün uly tagalla eden Russiýa bilen Ukraina we BMG-nyň Baş sekretaryna sagbolsun aýtdy.

Galla geçelgesi ylalaşygyna Türkiýäniň, Ukrainanyň, Russiýanyň we BMG-nyň arasynda 2022-nji ýylyň 22-nji iýulynda gol çekişilipdi.