Süleýman Soýlu: "Wanda PKK-a agza 5 terrorçy tussag edildi" diýdi
Içeri işler ministri Süleýman Soýlu, hüjüm guramak üçin taýarlyk görendigi anyklanan ekstremist terror guramasy PKK-a agza 5 terrorçynyň ok-däri we partlaýjy maddalar bilen birlikde Wanda tussag edilendigini habar berdi
Içeri işler ministri Süleýman Soýlu, paýtagt Ankara şäherinde beren beýanatynda, şu gün irden Wanda terror operasiýasynyň geçirilendigini belläp: "Eýýäm ençeme wagt bäri Wanda gözegçilik astynda saklanan gurluş, aksiýa geçirmek üçin taýarlyk görüpdirler. Buýrugy Eýrandan aldylar" diýip mälim etdi.
Terror guramasy PKK-nyň şäher gurluşydygy kesgitlenen 5 adamlyk toparyň hüjüm guramak üçin taýarlyk görendiklerini aýdan Süleýman Soýlu: "Hem aksiýa geçirmek üçin taýarlyk görüpdiler hem-de aksiýany bilelikde amala aşyrmak üçin bir ýere jemlenen 5 adamdan ybarat topar, ok-däri we taýar ýagdaýa getirilen partlaýjy maddalar bilen bilelikde ele salyndylar" diýip habar berdi.
Degişli Habarlar
Yragyň Demirgazygyndan Şehit Habary Geldi
Terror guramasy tarapyndan od açylandygy sebäpli agyr ýaralanan esger Eren Kyzyldag şehit boldy.
