Finlýandiýanyň Goranmak ministri Türkiyä sapar gurar

Türkiyäniň Milli Goranmak ministri Hulusi Akar, Finlýandiýanyň Goranmak ministri Antti Kaýkkonen bilen penşenbe güni Goranmak ministrliginde duşuşyk geçirer. 

Duşuşykda ikitaraplaýyn goranyş we howpsuzlyk meseleleri bilen birlikde Finlýandiýanyň NATO agzalyk tapgyrynyň ele alynmagyna garaşylýar. 

Finlýandiýanyň NATO agzalygy bilen bagly metbugat işgärlerine beýannama beren Hulusi Akar, Türkiyäniň NATO-nyň açyk gapylar syýasaty bilen baglanşykly hiç hili meselesiniň bolmandygyny, emma Türkiyäniň duýgurlygyna hormat goýulmagynyň gerekdigini mälim etdi. 

NATO-nyň bir howpsuzlyk guramasydygyny aýdan Hulusi Akar: "NATO-nyň iň uly göreş ugurlarynyň biri terrorizmdir. Terrorizm häzirki wagtda ähli ýurtlar üçin bir meseledir. Birden köp terror guramasyna garşy göreş alyp barýan ýeke-täk ýurt Türkiýedir. Onuň görülmegi, bu babatda edýänlerimiziň bilinmegi gerekdir" diýip habar berdi.