Gaziantep we Kilis welaýatlarynda howpsuzlyk çäreleri artdyryldy
Siriýanyň demirgazygyndan Gaziantep we Kilis welaýatlaryna garşy yzyly-yzyna guralan rekataly hüjümler sebäpli welaýatlarynyň serhet zolagynda howpsuzlyk çäreleri artdyryldy
Ekstremist terror guramasy PKK/ÝPG-niň gözegçiligindäki Tel-Ryfat sebitinden düýn agşam atylan raketalar, Önjüpynar gümrük geçelgesiniň golaýyndaky Polisiýa gullugynyň ýöriteleşdirilen merkeziniň binasyna degdi.
Partlamada merkeziň içindäki 1 esger bilen 7 polisiýa işgäri ýaralandy.
Kilis döwlet hassahanasyna ýatyrylan adamlaryň saglyk ýagdaýlarynyň gowudygy habar berildi.
Gaziantep welaýatynyň Karkamyş etrabyna hem düýn gije Siriýanyň Aýn-al-Arap sebitinden atylan 4 raketa degdi.
Boş meýdança gaçan raketalar partlady, hüjümler etrapda howsala döretdi.
Siriýanyň demirgazygyndan Gaziantep we Kilis welaýatlaryna garşy yzyly-yzyna guralan rekataly hüjümler sebäpli welaýatlarynyň serhet zolagynda howpsuzlyk çäreleri artdyryldy.
Howpsuzlyk güýçleri hüşgär ýagdaýa geçirildi, howpsuzlyk çäreleri ýokary derejä ýetirildi.
Hüjümlerden soň Tel-Ryfat we Aýn-al-Arap sebitindäki terrorçylara degişli ýerler, nyşana alynyp hüjümler guraldy.
Uçarmansyz howa ulaglary arkaly anyklanan terrorçylaryň ýerleri, gaubisalar we köp nilli raketalar bilen nyşana alynyp, ýok edildi.